Më 7 Nëntor 1917, bolshevikët sulmuan me urdhër të Leninit Pallatin e Carit në Shën Petersburg, dhe pushtuan ndërtesat e tjera qeveritare.
Ata erdhën në pushtet me dhunë, dhe po me dhunë do ta mbanin pushtetin për treçerek shekulli në Rusi. Dokumentet sekrete të zbuluara më vonë, tregojnë se me ndihmën e gjermanëve, Lenini u dërgua me shpejtësi në Rusi nga Zvicra ku kishte mërguar.
Gjermanët shpresonin që komunistët ta nxirrnin Rusinë nga Lufta e Parë Botërore, në mënyrë që të fokusoheshin vetëm në Frontin e Perëndimit. Por ajo mbështetje, rezultoi fatale për gjysmën e botës.
Bolshevikët vendosën një diktaturë të egër në Rusi, dhe më pas frymëzuan regjime të ngjashme në Evropën Lindore, Ballkan, përfshirë edhe Shqipërinë e Enver Hoxhës.
Lufta e klasave, konfiskimi i pronës private, kursimi ekstrem, ishin praktika që u krijuan pikërisht nga bolshevikët. Historianët mendojnë se po të mos kishte ndodhur ky revolucion, bota nuk do të kishte përjetuar as ngritjen e Adolf Hitlerit dhe as Luftën e Dytë Botërore.
TIRANA TODAY
