Ish-futbollisti i kombëtares së Afrikës së Jugut, Anele Ngcongca, është ndarë nga jeta si pasojë e një aksidenti.
Ngjarja e rëndë ka ndodhur mëngjesin e sotëm, ku Anele Ngcongca ka humbur jetën në një aksident automobilistik, në qytetin e Durbanit.
33-vjeçari kishte firmosur një marrëveshje huazimi me ekipin AmalZulu. Gjatë rrugës së kthimit, automjeti i tij është përplasur keq, duke i shkaktuar lëndime fatale mbrojtësit afrikan.
Anele Ngcongca, pati një karrierë të mirë në Europë duke fituar 2 tituj kampionë të Belgjikës me klubin Genk. Ai përfaqësoi Afrikën e Jugut 53 ndeshje, duke marrë pjesë dhe në Kupën e Botës të vitit 2010.
