Kroacia do të mbahet mend gjatë në historinë e Botërorëve, pasi arriti të mposhte Anglinë në gjysmëfinale dhe të shkojë në Moskë për tu përballur me Francën në finale. Por ajo që bënë kroatët në fushë ishte i jashtëzakonshme. Tre ndeshje të fituara me shumë mund dhe vuajtje, pasi i luajtën nga 120’ minuta, duke derdhur djersën deri në pikën e fundit.
Të udhëhequr nga kapiteni Luka Modric, kroatët edhe përballë Anglisë ishin të palodhur, të gjithë kokulur dhe shumë punëtorë. Trajneri Dalic pas ndeshjes është shprehur se lojtarët e tij nuk janë normalë, kjo sepse edhe pse vinin pas një lodhje të madhe nuk pranonin të linin fushën.
“Ajo që bënë lojtarët tanë treguan forcë dhe nivel energjie. Desha të bëja zëvendësime, por askush nuk donte të dilte. Të gjithë vazhdonin të thoshin: ‘Mund të luaj, mund të vrapoj’. Disa lojtarë luajtën me lëndime të vogla, me të cilat nuk do të luanin në ndeshjet tjera. Dy lojtarë luajtën me gjysmë këmbe, por kjo nuk u vërejt!”, u shpreh pas ndeshjes trajneri.
