Një aksident i rëndë automobilistik është regjistruar mëngjesin kësaj të mërkure në rrugën Fushë Krujë-Kurbin.
Drejtuesi i automjetit tip ‘’Audi’’ humbi kontrollin duke u përplasur me bordurën anësore.
Për pasojë, ndërroi jetë pasagjeri 26-vjeçar.
”Më datë 07.10.2020, rreth orës 06:30, në rrugën Fushë Krujë-Kurbin, në Borizanë, mjeti tip “Audi”, ka humbur kontrollin duke u përplasur me bordurën anësore të rrugës, e për pasojë ka ndërruar jetë pasagjeri në mjet rreth 26 vjeç, ndërsa drejtuesi i mjetit është dërguar në spital nën kujdesin e mjekëve’’, informon policia.
Grupi hetimor ndodhet në vendngjarje dhe po punon për zbardhjen e ngjarjes.
