Gazetari Erl Murati, në shenjë këmbane alarmi ka thënë se në Shqipëri, drejtësia ka dështuar. I ftuar në “360 Gradë”, në “Ora News”, ai tha se Xhisiela Maloku ka deklaruar para prokurorit se është dhunuar edhe më keq, se sa në momentin kur është bërë ekspertiza mjeko-ligjore. Po sipas tij, të gjtha këto prova dëshmojnë se drejtësia ka qenë inekzistente.
“Ngjarja ka ndodhur në atë që mund të themi “Jerusalemi” i tritolit, pra në Fushë-Krujë. Nëse shpërthimi ka ndodhur, është një akt kriminal në vetvete. Edhe në rastin e Xhisielës.
Kemi një ekspertizë mjeko-ligjore që ajo është dhunuar. Madje në një moment ajo i thotë prokurorit që këto fotografi që bëni ju, nuk janë asgjë pasi jam dhunuar edhe më shumë në të kaluarën. Me siguri e ka prokurori. Ky është dështim i drejtësisë. Për mua, është vërtetuar që drejtësia ka qenë inekzistente”, përfundoi ai.
