Pas trazirave të vitit ’97, ku pasuan me rënien e skemave piramidale, shpërthimin e depove ushtarake, autoritetet shqiptare e panë të arsyeshme të ndërmerrnin fushata të tilla ndërgjegjësuese, për dorëzimin e armëve pa leje.
Pavarësisht fushatave të ndërmarra vit pas viti, ashpërsimi i ligjeve për mbajtjen, përdorimin dhe tregtinë e armëve pa leje, ka çuar në dorëzimin e një numri të madh armësh nga popullata, por shqetësimi vazhdon të jetë i pranishëm.
Ndonëse është bërë shumë punë në këtë drejtim, ende shumë armë janë ende në qarkullim, kontigjent për përfshirjen në krime ose tregtinë e jashtëligjshme të armëve.
Një ndër fushatat që bëri jehonë ishte; “Mos gjuaj, por duaj – Ndal përdorimit të jashtëligjshëm të armëve të zjarrit përpara se të jetë tepër vonë”. Dy vjet më parë, ish ministri Tahiri tha se “nga viti 1997 dhe deri tani, në Shqipëri kanë humbur jetën ose janë plagosur rëndë mbi 10 mijë qytetarë shqiptarë”.
Por socialistët janë hedhur sërish në sulm. Pas masakrës së Selenicës, ku një 24-vjeçar vrau për motive të dobëta tetë kushërinj të tij, për motive të dobëta, Elisa Spiropali ka shkruar se vrasësi duhet të dënohet maksimalisht, pasi kjo ngjarje nuk duhet të përsëritet.
Metodat e aplikimit të dënimit me vdekje në vendin tonë, kanë qënë me pushkatim dhe me varje në litar.
Në historine e Parlamentit shqiptar, për herë të parë është diskutuar dhe votuar për heqjen e dënimit me vdekje në Shqipëri, në vitin 1993. Nga 250 deputetë, 70 votuan pro heqjes se dënimit me vdekje (28 përqind), ndërsa 180 prej tyre votuan pro mbajtjes së tij.
Shqipëria gjithashtu zbatoi me korrektësi për tre vjet, moratoriumin mbi ekzekutimet e dënimeve me vdekje, pasi nga viti 1995 nuk u ekzekutua asnjë person, ndaj të cilit ishte aplikuar ky lloj dënimi.
Gjykata Kushtetuese me Vendim Nr.65, datë 10.12.1999, shpalli si antikushtetues dënimin me vdekje në kohë paqe që parashikohej ne K.P., dhe K.P.U., me anë të të cilit lehtësoi e shpejtoi pozicionimin e vetë organit legjislativ, Kuvendit të R.Sh., për të bërë rregullimet përkatëse ne K.P., dhe K.P.U., si dhe ratifikimin e Protokollit Nr.6 te Konventes Evropiane për Mbrojtjen e te Drejtave dhe Lirive Themelore te Njeriut, ne nenin 1 te se ciles thuhet dënimi me vdekje do të hiqet. Askush nuk do të dënohet me një dënim të tillë dhe askush nuk do të ekzekutohet.
Me ligjin Nr.9722, datë 30.4.2007, Kuvendi i Shqipërisë miratoi ndryshimet përkatëse te ligjit nr.8003, datë 28.9.1995 Kodi Penal Ushtarak i R.Sh., i ndryshuar, me ane te të cilave shfuqizonte dënimin me vdekje nga dispozitat e K.P.U., parashikuar ne gjendje lufte apo gjendje te jashtëzakonshme, duke shënuar një progres ne legjislacionin penal, për heqjen e denimit me vdekje në Shqipëri, në të gjitha rrethanat.
Tirana Today
