Presidenti Ilir Meta do të jetë i pranishëm sot në ora 11:00, në seancën e dhurimit të gjakut së bashku me Fondacionin “Fundjavë Ndryshe”, në kuadër të Aleancës për Dhurimin e Gjakut.
Më herët, Kreu i Shtetit ka vënë në dukje se: “Qëllimi kryesor i Aleancës është që në vitin 2020, ne të arrijmë atë objektiv të vendosur edhe nga Organizata Botërore e Shëndetësisë, që dhurimi i gjakut të jetë një proces tërësisht i garantuar në mënyrë vullnetare, dhe një proces i stabilizuar e afatgjatë”.
Meta shpesh u ka një apel të hapur të gjithë shqiptarëve lidhur me nismën e ndërmarrë nga aleanca për dhurimin e gjakut, në përmbushjen e qëllimit që dhurimi i gjakut të plotësojë në mënyrë vullnetare çdo nevojë në mënyrë të qëndrueshme.
