Ditën e sotme ka pasur shumë zhvillime në prokurorinë shqiptare. Ne media janë pasqyruar përplasjet e vendimeve të kryeprokurores Arta Marku dhe reagimeve të drejtuesve të prokuroreve në rrethe.
Juristi Çlirim Gjata thotë se Arta Marku nuk ka kompetenca për të shkarkuar dhe emëruar prokurorët. Në një intervistë për “Report TV”, Gjata i kujton kryeprokurores të rrijë brenda kompetencave të saj sepse politika do ta tradhtojë dhe do të përballet me akuzën e shpërdorimit të detyrës.
“Është bërë një debat i madh për këtë çështje e zgjidhjes së Kryeprokurores por edhe për shkak të kompetencave.
Ajo nuk e ka në kompetencë largimin e prokurorëve nga detyra qoshfshin të emëruar apo komanduar, kjo rezulton nda dispozitat ligjore veprimtaria e saj mbështetet në dispozita kalimtare.
Maku nuk është zgjedhur e përkohshme nga KLP-ja, nëse do shikojmë ligjin 97/2016 në nenin 109 rezulton se dispozitat janë të përkohshme, ndërsa në pikën 3 rezulton se kompetencat e Kryeprokurorit të Përkohshëm parashikohen në dispozita kalimtare, këtë e thotë ligji dhe statusi për Kryeprokurorët e Përgjithshëm.
Ajo nuk ka kompetencat si ato të kryeprokurorëve të mëparshëm por referohen si dispozita kalimtare të një prokurori kalimtar, këtu janë të gjitha rastet ku shpjegohen qartë kompetencat.
Në asnjë nga pikat për Kryeprokurorët e Përkohshëm nuk thuhet se mund të largoj prokurorët e emëruar apo edhe të komanduar, maksimumi që mund të bëj është pezullimi i mbështetur mbi argumente dhe ligje, madje duhet ta bëj publike sepse po e pezullon.
Duhet të specifikohen arsyet e pezullimit si shkelje detyre, po kështu dhe çështjen e lëvizjes së prokurorëve nuk e ka në kompetencë. Ne kemi një problem në kushtet ku mungon Këshilli i Lartë i Prokurorisë, në rastin kur një prokuror vdes, vetëm në këto raste mund të ndërhyjë, s’ke institucion dhe KLP. Kryeprokurorja nuk mund të ndërhyj në rastet kur nuk ka probleme dhe situata është normale, nuk ka të drejtë ti lëviz nga detyra,” deklaroi Gjata.
Ditën e sotme kryeprokurorja Arta Marku beri këto shkarkime dhe lëvizje; Agron Gjana, Drejtues i Prokurorisë së Rrethit Gjyqësor Durrës, largohet nga kjo detyrë dhe caktohet në pozicion të përkohshëm si prokuror në Prokurorinë e Rrethit Gjyqësor Pukë. Drejtues i Përkohshëm i Prokurorisë së Rrethit Gjyqësor Durrës, caktohet zj.Donika Prela, aktualisht prokurore pranë kësaj prokurorie.
Dritan Gina, Drejtues i komanduar i Prokurorisë së Rrethit Gjyqësor Elbasan, i ndërpritet komandimi dhe kthehet si prokuror në Prokurorinë ku është i emëruar; Drejtues i Përkohshëm i Prokurorisë së Rrethit Gjyqësor Elbasan, caktohet prokurori, z.Ardjan Nezha.
Pali Deçolli, Drejtues i komanduar i Prokurorisë së Rrethit Gjyqësor Fier, i ndërpritet komandimi dhe kthehet si prokuror në Prokurorinë ku është i emëruar; Drejtues i Përkohshëm i Prokurorisë së Rrethit Gjyqësor Fier, caktohet prokurori, z.Fatmir Lushi.
Artur Ismailukaj, Drejtues i komanduar i Prokurorisë së Rrethit Gjyqësor Kukës, i ndërpritet komandimi dhe kthehet si prokuror në Prokurorinë ku është i emëruar; Drejtues i Përkohshëm i Prokurorisë së Rrethit Gjyqësor Kukës, caktohet prokurori, zj.Alketa Nushi.
