Një fuoristradë me targa të huaja është gjetur e braktisur në bregdetin e Vlorës.
Automjeti me targa italiane BG643 GX është gjetur i zhytur në det në zonën e plazhit të vjetër, ndërsa kanë qenë banorët e zonës ata që kanë pikasur makinën në det, duke lajmëruar më pas policinë.
Nuk dihet përse mjeti ka përfunduar në ujë, ndërsa dyshohet se ai mund të jetë përdorur për të tërhequr ndonjë gomone apo skaf, por nuk përjashtohet mundësia se mjeti mund të ketë përfunduar aty aksidentalisht.
Në vendin e ngjarjes kanë mbërritur forca të policisë së Vlorës, asaj kufitare dhe Delta Force, por në mjet nuk është gjetur asgjë e kundraligjshme.
