“Fundjavë Ndryshe” ka zgjeruar aktivitetin e saj në qytetin e Durrësit dhe Vlorës, ku u inaguruan, ditën e sotme, qendrat përkatëse të këtyre qyteteve.
“Zgjerimi i aktivitetit të “Fundjavë Ndryshe” konsiston pikërisht në nevojën për ekzistencën e një infrastrukture, që mundëson nevojën e bamirësit për të dhuruar tek njerëzit në nevojë dhe që mundëson lidhjen direkt midis dhuruesit dhe përfituesit, në zonat më të ekspozuara nga fenomeni i varfërisë ekstreme në vend. Ky projekt, gjithashtu, synon përkrahjen e programeve të veprimtarive humanitare, ofrimin e shërbimeve falas dhe kujdesin për të gjitha moshat në rang Republike, me qëllim mirëqënien, dinjitetin dhe sigurimin e cilësisë së jetës. Promovimi i solidaritetit dhe vullnetarizmit është tjetër synim i projektit. Nevoja për të luftuar pasivitetin shoqëror do të ndikojë në rritjen e solidaritetit të grupeve të ndryshme shoqërore. Faleminderit Kordinatorit Hajredin Dizdari dhe Fjoralba Dishi për organizimin. “Bamirësia nuk të varfëron“”, shkruan në Facebook ,“Fundjavë Ndryshe”.
