Në fund të një viti të vështirë për të gjithë, “Fundjavë Ndryshe” vazhdon me misionin e tij. Shpërndarja masive e ndihmave për familjet në nevojë në të gjithë Shqipërinë ka filluar që nga Marsi. Shkuarja në çdo qytet dhe fshat të vendit, për të ofruar pako ushqimore dhe produkte higjienike si sapunë, detergjentë, dezinfektues.
Fondacioni vazhdon të kryejë aktivitete të shumta për të qenë afër çdo personi. Këtë herë ndalesa ishte në Përmet, ku “Fundjavë Ndryshe” dërgoi ndihma ushqimore për dhjetëra familje me nevoja urgjente. Shpërndarja do të vazhdojë edhe në qytete të tjera.
Përveç shpërndarjes së paketave ushqimore, fondacioni po organizon aktivitete edhe për fëmijë. Sepse në fund të ditës ata meritojnë më shumë për të ndier gëzimin e festave. Së bashku me “PIK shpk” ishim në Qendrën e Zhvillimit Pëllumbat, një qendër ku fëmijët me aftësi të ndryshme marrin shërbimin e nevojshëm për rehabilitimin psiko-social dhe fizik. Duke shprehur mbështetjen tonë në rrugëtimin e tyre të bukur dhe të vështirë, ne dhuruam lodra për fëmijët dhe u uruam atyre festat e mbara!
Bamirësia nuk të bën të varfër!
Për të dhënë kontributin tuaj në shkaqet e “Fundjavë Ndryshe”, klikoni këtu.
