Në kuadër të situatës alarmante për shkak të përmbytjeve masive në të gjithë vendin, fondacioni “Fundjavë Ndryshe” ka nisur aksionin për t’u ardhur në ndihmë të gjithë shqiptarëve të prekur.
Kështu, ky fondacion ka siguruar deri më tani 120 batanijet e para, për të vijuar me zgjerimin e ndihmave të tilla për qytetarët e prekur nga përmbytjet.
Lajmi bëhet i ditur nëpërmjet një postimi në faqen e “Fundjavë Ndryshe” në Facebook, ku edhe bëhet apel që secili që ka mundësi të ndihmojë për qytetarët e prekur nga gjendja kaotike në vend.
“Sapo siguruam 120 batanijet e para!
Gjendja është e vështirë. Kushdo që ka mundësi të ndihmojë, batanije, ushqime.
Dhuro kontakt : +355688089999
Kërko ndihmë kontakt : +355676060033”, shkruhet në postimin e fondacionit.
Kujtojmë se deri më tani janë evakuuar të paktën 315 persona, disa shtëpi janë shembur si pasojë e rrëshqitjes së dherave, ndërsa janë shkaktuar dëme kolosale ekonomike.
