Fondacioni “Fundjavë Ndryshe” ka nënshkruar sot një marrëveshje bashkëpunimi me Spitalin Amerikan.
Në thelb të marrëveshjes është ofrimi i shërbimeve shëndetësore falas ndaj familjeve në nevojë, të identifikuara dhe referuar nga “Fundjavë Ndryshe”.
Marrëveshja u nënshkrua mes drejtorit të fondacionit Arbër Hajdari dhe administratorit të Spitalit Amerikan, Klodian Allajbeu.
Lajmi bëhet i ditur nëpërmjet një postimi në faqen zyrtare të fondacionit “Fundjavë Ndryshe”, ku shkruhet:
“Fundjave Ndryshe” nënshkruan marrëveshje bashkëpunimi me Spitalin Amerikan, me anë të së cilës Spitali do të ofrojë shërbime shëndetsore papagesë ndaj familjeve në nevojë të identifikuara dhe referuara nga Fundjavë Ndryshe. Administratori i Spitalit Amerikan, Dr. Klodian Allajbeu dhe Arbër Hajdari, Ceo i Fondacionit firmosin bashkëpunimin që ka si qëllim të aktivitetit të saj zbatimin e programeve humanitare dhe të bamirësisë.
“Bamirësia nuk të varfëron”.
