Fondacioni “Fundjave Ndryshe” vijon bashkëpunimin dhe marrëveshjet me bizneset dhe grupet e interesit në mbështetje të familjeve në nevojë. Sot është nënshkruar një marrëveshje bashkëpunimi midis Grupi Balfin dhe Fondacioni “Fundjavë Ndryshe”. Një javë më parë Fondacioni Fundjavë Ndryshe nënshkroi një Marrëveshje Bashkëpunimi me Dhomën e Tregtisë dhe Industrisë në Tiranë dhe me Programin e Zhvillimit të Kombeve të Bashkuara. Në bazë të kësaj marrëveshje, 2% e fitimit vjetor të bizneseve që janë të regjistruara në Dhomën e Tregtisë dhe Industrisë, do të menaxhohen nga fondacioni Fundjavë Ndryshe në ndihmë të njerëzve në nevojë dhe implementimi i këtij projekti do të monitorohet nga UNDP.
Gjithashtu, Nëpërmjet Fondit Balfin, të ngritur nga President i Grupit Balfin, Samir Mane, synohet që të ndihmohen familjet në nevojë në përmirësimin e kushteve të jetesës, dhe në kthimin e vlerave. Vëmendja përqendrohet të rëndësia që ka një jetë aktive për kategoritë e njerëzve në nevojë të shoqërisë shqiptare dhe për familje të cilat do të jenë të identifikuara dhe referuara nga “Fundjavë Ndryshe”. Marrëveshja u nënshkrua sot me Presidentin e Grupit Balfin Z. Samir Mane, dhe drejtorin e fondacionit, Arbër Hajdari.
Grupi Balfin beson se rritja e një biznesi duhet të shoqërohet paralelisht me zhvillimin dhe rritjen sociale të komunitetit, e për këtë arsye ka vlerësuar maksimalisht përpjekjet dhe punën e bërë nga Fondacioni “Fundjava Ndryshe” duke u bërë një nga bashkëpunëtorët e ngushtë dhe afatgjatë të këtij fondacioni.
