Zbardhen më shumë detaje në lidhje me vdekjen tragjike të 39 personave brenda kamionit i cili ishte nisur për në Angli. Nga hetimet ka dalë se ata u përballën me temperatura shumë të ulëta të frigoriferëve në kamion që transportonte biskota.
Ndërkohë, duke iu referuar ekspertëve, Daily Mail shkruan se viktimat kanë pasur një vdekje të ngadaltë dhe të tmerrshme. 38 të rinj dhe një adoleshent kishin si denstinacion Mbretërinë e Bashkuar dhe vendosën të iknin atje në mënyrë ilegale.
Mo Robinson, 25 vjeç, ishte shoferi i kamionit që transportonte njerëzit dhe që tanimë është arrestuar me dyshimin për vrasje. Mendohet se temperaturat brenda frigoriferit kanë qenë -25 gradë celsius dhe kjo ka qenë vdekjeprurëse për gjithë emigrantët.
Sipas mediave britanike, viktimat kanë bërë më shumë se 15 orë rrugë në temperatura shumë të ulëta dhe thirrjet e tyre për ndihmë nuk u dëgjuan dot nga askush.
