Pas paralajmërimeve të ardhura në Twitter, policia serbe ka arrestuar autorin që kishte kërcënuar me vdekje presidentin e Serbisë, Aleksandar Vuçiç.
Mësohet se Djuro Trkulja nga Novi Sad, është prangosur mbrëmë. Mediat serbe bëjnë me dije se ky shtetas, në “Twitter” kishte kërcënuar me vdekje presidentin e Serbisë, Aleksandar Vuçiç. Po kështu ai kishte paralajmëruar edhe rrëmbimin e anëtarëve të familjes së tij.
Jo zyrtarisht, por mediat serbe kanë mësuar se bëhet fjalë për profilin @AgentStrani, përdoruesi i së cilit ka shkruar se: “Fundi i Vuçiçit është afër, dhe askush nuk mund ta ndal”.
