Keneth Muguna është lojtari më i ri i Tiranës. Më në fund është gjetur dhe akordi me klubin Gor Mahia, pas një lum akuzash të ndërsjella. Kenianët ishin nën presion gjatë gjithë kohës dhe kërkonin që bardheblutë të paguanin kartonin e lojtarit, pasi ky i fundit ishte i vendosur për largimin. Muguna i ka kushtuar Tiranës plot 40 mijë euro dhe cilësohet si një goditje e madhe.
Në Kenia për të ka vlerësime të shumta dhe tani do provojë një eksperiencë të re me Tiranën. “Keneth Muguna është zyrtarisht pjese e Tiranës. Muguna ka firmosur sot një kontrate për katër vite e gjysme dhe është një investim i rëndësishëm i klubit për sezonin aktual dhe te ardhmen.”
Mesfushori nga Kenia është 22 vjeç, pjesë e rëndësishme e Kombëtares dhe vjen nga skuadra e Gor Mahias. KF Tirana e ka ndjekur lojtarin prej disa muajsh dhe ka arritur marrëveshjen për të blerë kartonin e tij nga skuadra kampione e Kenias”, njofton klubi bardheblu.
