U bë një kiohë e gjatë që moderatorja Ilda Bejleri është shkëputur nga ekrani. Por kjo nuk do të thotë se ajo nuk e ndjek më sportin, e mbi të gjitha emisionin “Procesi Sportiv”. Ajo ka ‘goditur’ sërish, ndërsa ka ironizuar të ftuarit. Kjo pasi mbrëmjen e djeshme, në panel ishte i ftuar ish-kandidati i “Përputhen”, Lulzim Jashari.
Ish-moderatorja e këtij emisioni, shprehet me anë të një statusi në rrjetet sociale, se në Shqipëri kanë mbaruar futbollistët, sa që ftohen personazhe që s’kanë lidhje me futbollin.
“Këtu tek ne kanë mbaruar futbollistët, sa që dhe te Procesi Sportiv ku duhet të flitet për futboll, gjejmë Lulëzimin që kërkon akoma gruan”, ka shkruar Ilda Bejleri, krahas një foto ku ai shihet në studio.
