Zyra franceze për Mbrojtjen e Refugjatëve dhe Personave pa Shtetësi (Ofpra) regjistron rreth 400 azilkërkues në ditë. Por më poshtë ju do të njiheni me historinë e shqiptares Lora (emri i saj jo i vërtetë me qëllim mbrojtjen e identitetit), rreth 30-vjeç, e cila është të përpjekje për të fituar statusin e refugjates në Francë. Ajo renditet e 99 në listën e personave që duan të mbrojnë kërkesën e tyre për azil, shkruan lejdd.fr.
Shanset për nënë e re shqiptare, që i përket besimit të krishterë e lindur në jug-perëndim të Shqipërisë për të marrë statusin e refugjatit janë thuajse të pakta. Gati 95% e shtetasve shqiptarë, që kanë kërkuar azil në Francë (7,000 raste të regjistruara në 2017), janë hedhur poshtë. Shqipëria, e cila po aplikon për t’u bashkuar me Bashkimin Evropian, është përfshirë në listën e të ashtuquajturave vende të sigurta, që do të thotë respektimi i parimeve të sundimit të ligjit.
Në tetor 2015, Lora bashkë me dy fëmijët e saj u larguan nga Shqipëria për shkak të dhunës që burri ushtronte ndaj saj. Autoritetet shqiptare nuk kanë marrë para sysh denoncimet e bëra nga ana e nënës shqiptare ndaj bashkëshortit të dhunshëm, dhe që më pari kishte qenë i dënuar pasi kishte qëlluar me armë automatik fqinjët.
Ajo si fillim kishte udhëtuar në drejtim të Milanit, aty ku jetonte motra e saj, dhe më pas nga Italia ishte nisur për në Belgjikë për të kërkuar azil. Por, sipas rregullores së Dublinit thuhet se emigrantët e që shkojnë në një nga vendet e zonës Shengen nëse paraqesin një kërkesë për azil në shtetin e parë pritës, nuk kanë të drejtë që të shkojnë dhe të aplikojnë për azil në një vend tjetër.
Në Itali, Lora kaloi nën mbikëqyrjen e karabinierëve dhe u vendos në Belgjikës. Por më pas ajo aty paraqiti një kërkesë për azil, por iu refuzua në shkurt 2016. Ashtu si mijëra emigrantë anembanë Evropës, Lora injoron detyrimin për t’u kthyer në vendin e saj dhe fshihet. Ajo vazhdon rrugën drejt Holandës, ku paraqit një kërkesë për azil dhe këtu, por që kërkesa i refuzohet në nëntor 2016.
Edhe një herë, ajo zhduket duke u fshehur në Holandë dhe Lora arrin në Francë, ku depërton një dosje në Ofpra.
Zyrtari për mbrojtje:Ju thotë të njëjtën histori si në Belgjikë dhe në Holandë?
Lora: Po.
Zyrtari për mbrojtje: A keni ndonjë element të ri për të mbështetur kërkesën tuaj?” Vazhdon zyrtari.
Lora: Jo.
Nëse asaj i refuzohet përsëri kërkesa brenda disa javë, ajo mund të apelojë në Gjykatën Kombëtare të Azilit. Por, nëse ankesa e saj refuzohet, ajo do të ketë një muaj kohë që të largohet nga territori me mjetet e veta. Ose do të vazhdojë udhëtimin e saj, me një vajzë të vogël të lindur në Francë dhjetë muaj më parë. TIRANA TODAY
