Federata Shqiptare e Futbollit ka marrë sërish një dënim nga FIFA, këtë herë për ndeshjen që u zhvillua në Shkodër me Italinë. Dënimi është me një gjobë prej 5 mijë frangash zvicerane dhe shkaku është tifozeria. Edhe pse u dukën të mrekullueshëm atë natë, flakadanët e ndezur janë të ndaluar nga FIFA dhe kjo ka bërë që të vijë dënimi i radhës.
Që nga fillimi i eliminatoreve të Botërorit e deri tani që u mbyllën FSHF ka marrë disa herë gjobë nga FIFA dhe ajo tani ka kapur vlerën e 215 mijë frangash zvicerane. Në të gjitha këto dënime ka qenë problematike tifozeria shqiptare, që ka bërë të vijnë këto vendime.
