Dashuria për familjen, është padyshim gjëja më e rëndësishme në këtë botë. Ajo nuk njeh kufij dhe pengesa. Këtë e dëshmon më së miri historia e pazakontë e amerikanit Alvin Strajt nga shteti i Ajouas. Ai ishte babai i 5 djemve dhe 2 vajzave, dhe një ushtar veteran i Luftës së Dytë Botërore. Në vitin 1994, vëllai i tij 80-vjeçar Henri që banonte në Uikonsin, pësoi një goditje në tru.
Alvin u bë gati të nisej për ta parë. Por për shkak të shikimit të dobët, autoritetet nuk i kishin rinovuar patentën e makinës 74-vjeçarit. Mundësia e tij e vetme, ishte të udhëtonte me korrësen e barit që kishte në shtëpi. Kështu, për 6 javë rresht ai udhëtoi 390 km, me një shpejtësi maksimale vetëm 8 km/h. Korrësja kishte pas rimorkio të ngarkuar me benzinë, rroba dhe ushqim. Pas 30 km, mjeti pësoi një defekt, dhe Alvin shpenzoi 250 dollarë për pjesët e këmbimit.
Pas vizitës tek i vëllai, nipi e ktheu sërish në Ajoua. Udhëtimi i Alvin Strajt bëri bujë në media. Atij iu dhurua një korrëse e re bari nga një kompani e mirënjohur. Por fermerit nuk i pëlqeu vëmendja që kishte fituar. Ai refuzoi ftesat për të marrë pjesë në disa shfaqje të famshme televizive në SHBA. Alvin tentoi një udhëtim të ngjashëm një vit më vonë, por u kthye në mes të rrugës për shkak të motit të keq. Ai vdiq në nëntor 1996, pas problemeve me zemrën. Historia e tij pazakontë, u përshtat në një film në vitin 1999./ TIRANA TODAY
