Oficerët e misionit të Frontex kanë ndaluar mbrëmjen e djeshme 16 emigrantë nga Lindja dhe Afrika Veriore në Kapshticë, të cilët po tentonin që të kalonin në mënyrë ilegale nga Shqipëria në drejtim të vendeve të Bashkimit Evropian.
Emigrantët e kapur janë nga Iraku, Siria, Algeria dhe Maroku, ndërsa mësohet se janë ndaluar në fshatin Trestenik, teksa në radhët e tyre numërohen gra dhe fëmijë.
Misioni i oficerëve të Frontex është përqendruar kryesisht tek emigrantët që kalojnë në mënyrë të paligjshme kufirin jeshil, pra që vijnë nga vendi fqinj.
Ndërkohë, do të kryen edhe kontrolle në automjete në pasagjerë për të shmangur çdo aktivitet jo të ligjshëm.
