Valës së dorëheqjeve nga Vettingu i është bashkuar edhe Erlind Basha, vëllai i kryetarit të PD, Lulzim Basha. Ai punonte si këshilltar ligjor pranë Gjykatës së Lartë. Erlind Basha ka dhënë dorëheqjen rreth një vit më parë, përpara se Komisioni i Pavarur i Kualifikimit të merrte në shqyrtim dosjen e tij për vlerësimin profesional dhe atë të pasurisë.
Erlind Basha i bashkohet kështu ish-kryeprokurorit Adriatik Llalla dhe ish-gjyqtarit të Kushtetueses Besnik Imeraj të cilët u larguan nga sistemi i drejtësisë, duke i shpëtuar kështu vlerësimit pasuror.
