Pas incidentit të djeshëm me autobusin ku udhëtonin lojtarët e Dortmundit, policia gjermane ka marrë masa për të siguruar mbarëvajtjen e ndeshjes mes Dortmundit dhe Monacos, por edhe në Mynih, ku Bajerni do të presë Real Madridin.
Mësohet se policia po mendon të bëjë një ndryshim në agjendën e ndeshjes mes Bayern Munchen dhe Real Madrid, me qëllim shamngien e ndonjë sulmi të mundshëm terrorist.
Lajmin e bën të ditur e përditshmja spanjolle “Marca”, e cila shkruan se policia do t’i kushtojë një vëmendje të veçantë transportit në drejtim të stadiumit “Allianz Arena” të futbollistëve dhe stafeve teknike të Bayernit e Realit.
Prandaj është menduar ndryshimi i itinerarit të skuadrave në drejtim të stadiumit, ndërkohë që autobusët e tyre do të shoqërohen edhe nga automjete të policisë.
