Studentët prej tre ditësh kanë lënë mësimin, por një urdhër i prerë duket se është dhënë nën zë ndaj të gjithë pedagogëve, që të mos tregohen tolerantë. Rektori i Universitetit të Vlorës mësohet se u ka dhënë urdhër shefave të departamenteve, për të kontrolluar në çdo klasë pedagogët.
Në këtë formë, këtyre të fundit po u bëhet presion, që të mos mbështesin për asnjë arsye studentët. Po të njëjtat burime shtojnë se po bëhet presion në klasa për studentët që janë larguar nga mësimi. Në orën 16:00 është thirrur mbledhje me gjithë stafin akademik të “Ismail Qemalit”.
Këto tentativa nuk janë të parat, pasi e njëjta situatë ka ndodhur dhe me Universitetin e Elbasanit, ku thëniet “do ju ngelim, ta harroni diplomën!”, kanë qenë të zakonshme.
