Duket se përballja e pak ditëve më parë të Ramës me studentët, ka sjellë një dozë pakënaqësie tek ish-kryeministri Berisha. Ai ka përfituar nga rasti, për t’ia plasur në fytyrë të gjitha qefmbetjet moderatorit Alban Dudushi, ndërsa kryefjala ishte vetë Rama.
Berisha i tha gazetarit Dudushi se ai duhet ta kishte nxjerrë Ramën jashtë nga emisioni, në kohën kur ai iu “vërsul studentëve”. Kujtojmë faktin se në rrjetet sociale, ata u etiketuan si FRESSH-istë.
“Ti kishe ftuar FRESSH-istët për të dialoguar me Ramën. Kishe thirrur aty fansin e Taulant Ballës, kuratorin e tij të Facebook-ut. Ti duhet ta kishe nxjerrë Ramën jashtë nga studioja, kur iu hakërrye studentëve.
Ty Alban të takonte të nxirrje jashtë Edi Ramën, kur ai iu vërsulej studentëve. Ti duhet ti thoshe; dil jashtë”, deklaroi Berisha.
