Rama ka patur një përballje mjaft të fortë me pedagogun Mark Marku, në emisionin e gazetarit Blendi Fevziu. Marku e ka cilësuar si një shfaqje të shëmtuar, atë që Rama bëri ndaj një studenti, i cili kishte proleme me shikimin.
Pika më e nxehtë e debatit mes palëve ishte pas përballjes së Ramës me një student, ku kryeministri i dha atij shkopin e Fevziut, në mënyrë që ta godiste në rast se nuk mbante premtimet.
Ky gjest nuk i ka pëlqyer aspak pedagogut, i cili nuk qëndroi në heshtje, por reagoi ndaj Ramës. Ai tha se protestonte ndaj kësaj parodie të kryeministrit me studentin me aftësi të kufizuar.
Për të, kjo mbetet gjëja më e ulët dhe më e ndyrë që një kryeministër bën me një njeri që shkon aty, për t’iu zgjidhur një problem. Mjaft i revoltuar me qëndrimin e Markut, Rama është ngritur në këmbë, dhe ka kërkuar që ai ti kërkojë falje, në të kundërt do të ikte nga emisioni.