Performancat e fundit po rrisin dhe shifrat e merkatos, në fillim 60, më pas 80, 100 dhe tani 130.
Këto janë shifrat që u përmendën që në fillimet e daljes së Mbappe në arenën e klasit botëror.
Reali i Madridit e ndjek hap pas hapi talentin 18-vjeçar, i cili mbrëmjen e djeshme e vuri në pozita të vështira Buffonin, pavarësisht se nuk ia doli t’i shënonte italianit.
Mbappe për të disatën herë dha shenjat se një yll i radhës po rritet, ose siç cilësohet në Francë “Henri i ri”. Për të interesohet çdo ekip, i cili ka në tavolinë të paktën 100 milionë euro.
Nuk dihet sesa do të jetë kostoja e tij e shitjes, por mesa duket do të jetë më e madhe se vlera e Pogbas. Pogba filloi negociatat për 100 milionë euro dhe u shit 120. Ndërkohë Mbappe mund t’i fillojë negociatat me mbi 100 milionë.
