Biznesmeni italian Francesco Becchetti, është dënuar me 17 vite burg. Ai akuzohet se përmes kompanive të tij, kishte krijuar një skemë të mashtrimit me TVSH dhe pastrim parash.
Biznesmeni italian vazhdon të jetë në arrati, dhe për të ka një mandat arresti ndërkombëtar.
Francesco Becchetti u akuzua për 4 vepra penale “Vjedhje duke shpërdoruar detyrën”, “Pastrimi i produkteve të veprës penale, ose veprimtarisë kriminale”, “Falsifikim Dokumentesh”, “Krijimi i skemave mashtruese, lidhur me tatimin mbi vlerën e shtuar”.
Bashkëpunëtori i tij Mauro De Renzi u dënua 16 vjet burg, ndërsa dy të pandehur janë dënuar me “shërbim prove”. Gjykata dënoi edhe nënën e Becchetti-t Liljana Condomiti, me 8 vite heqje lirie.
