Duke filluar nga viti i ardhshëm, Franca do t’u ndalojë përdorimin e telefonave celular nxënësve të shkollave fillore dhe të mesme.Këtë informacion e ka shpërndarë për mediat ministri i Arsimit në Francë, Zhan Mishel Blanker.
Ndalesa e paralajmëruar do të hyjë në fuqi në shtator të vitit 2018, ku nxënësit nuk do të munden të përdorin telefonat në ambientet e shkollave.
Ministri i Arsimit, Blenker, ka theksuar se nxënësit do mund të mbajnë telefona në shkollë, por nuk do t’i mbajnë me vete, por do sistemohen në rafte, kjo si një strategji për të qenë sa më të fokusuar për të përthithur shpjegimin e mësuesve.
Ai theksoi se telefonat mund të përdoren në raste emergjente ose në rastet kur përdorimi i tyre është i pashmangshëm në procesin mësimor. Por, tashmë kjo është një strategji, e cila pritet të japë efektet e saj në përmirësimin dhe thithjen sa më të madhe të nxënësve.
Nga ana tjetër sindikatat në Francë shpjegojnë se kjo do të jetë jashtëzakonisht e vështirë për t’u zbatuar, pasi tashmë edhe pajisjet e telefonave, janë bërë më shumë se një mjet komunikimi.
