Kombëtarja shqiptare u mund mbrëmjen e djeshme nga Franca, me rezultatin 4-1, duke treguar kështu një paraqitje mjaft të dobët të skuadrës kuqezi.
Mirëpo ditën e sotme, ka dalë edhe vlerësimi i lojtarëve shqiptarë në këtë ndeshje, i bërë nga “France Football”. Notat për lojtarët e kombëtares janë shumë të dobëta dhe i vetmi që e kalon “klasën” është Keidi Bare që mori notën 5.
Nga ana tjetër, Hysaj u zgjodh si lojtari më i dobët i ndeshjes, duke marrë vetëm 3 pikë nga prestigjiozja franceze.
“Në një mbrojtje shqiptare të rrethuar në çdo cep, ai ishte personi që vuajti më shumë dhe me diferencë të thellë. Shumë pak i frymëzuar në vendosjen e tij, në vështirësi të mëdha në duele. Dukej i ngathët për të përballuar kundërshtarët e shpejtë. Logjikisht ai fuste ujë nga të gjitha anët. Qoftë kundër Komanit që e la në vend me një driblim apo dhe pas pushimit me Grizmanin. Një ndeshje që do të mbetet disa javë në kokën e tij”, shkruan “France Football”.
