Katër persona të vdekur dhe shumë të plagosur është bilanci i një aksidenti në Francë. Një tren është përplasur më një autobus shkolle. Ngjarja ka ndodhur në Pirenej në jug-perëndim të Francës afër kufirit me Spanjën. Sipas informacioneve të para viktimat janë fëmijë të moshës 13-17 vjeç.
Në autobusin e shkollës ishin 19 persona, ndërkohë shtatë prej tyre janë në gjendje të rëndë. Ndërsa në tren ndodheshin 25 persona, të cilat janë plagosur lehtë. Nga përplasja e fuqishme me trenin autobusi është ndarë më dysh.
Ekipet e shpëtimit kanë shkuar menjëherë në vendngjarje dhe kanë kërkuar mes rrënojave për të nxjerrë viktimat. Treni është përplasur me pjesën e pasme të autobusit, i cili dyshohet të ketë hyrë në kalimin hekurudhor edhe pse barrierat ishin duke u ulur.
