Totila Kotorri/Tirana Today
Franca është ndër favoritët për të fituar UEFA Euro 2020. Ata kanë shumë lojtarë të klasit botëror dhe udhëhiqen nga Didier Deschamps, nuk ka dyshim se janë favoritët numër një siç e kuotojnë dhe kompanitë më serioze të basteve. Deschamps ka qenë i suksesshëm me ekipin kombëtar dhe sistemi i tij ka sjellë sukses në Kupën e Botës 2018. Le të hedhim një vështrim mbi taktikat dhe trajnimin e tij.
Formacioni dhe moduli
Franca zakonisht luan me 4-2-3-1, por Deschamps ka përdorur 4-4-2-shin shumë kohët e fundit. Prandaj, ka shumë të ngjarë që ai do të zgjedhë që të hedhë në fushë ekipin e tij me këtë formacion. Hugo Lloris do të fillojë mes shtyllave në portë, ndërsa Lucas Hernandez, Presnel Kimpembe, Raphael Varane dhe Benjamin Pavard formojnë mbrojtjen me 4. N’Golo Kante fillon si një mesfushor mbrojtës. Paul Pogba është praktikisht titullar në pozicionin e djathtë të mesfushës. Corentin Tolisso dhe Adrien Rabiot do të garojnë për rolin e mesfushorit qendror të majtë. Sidoqoftë, Moussa Sissoko mund të zgjidhet para të dyve nëse kundërshtari është shumë sulmues. Antoinne Griezmann është vendosur të fillojë në krye të diamantit, ndërsa Karim Benzema dhe Kylian Mbappe formojnë repartin e vancuar me 2 sulmues.
Ndërtimi i lojës dhe sulmi
Franca ndërton në një formë 3-2-5 me mbrojtës anësorë që lëvizin sipër në fushë dhe sigurojnë gjerësi. Qendërsulmuesit së bashku me Griezmann-in shkëmbejnë pozicione dhe synojnë të pozicionohen në gjysmë-hapësira dhe në hapësirat e pamarkuara. Mesfushorët qendrorë formojnë boshtin dhe Kante zbret për të formuar mbrojtjen me tre. Sidoqoftë, në rast se kundërshtari gëzon epërsi në mesfushë, Kante del nga mbrojtja me tre për të thyer pasimet e kundërshtarit. Sidoqoftë, sistemi nuk përdoret në më të shumtën e kohës pasi Franca është më e rrezikshme pa top sesa në posedim. Ata priren të thithin sulme dhe e bazojnë lojën e tyre në kundërsulme. Griezmann dhe Mbappe janë pozicionuar në hapësirat midis mesfushorëve kundërshtarë ose përtej mesfushës kundërshtare. Kur Franca merr përsëri topin, ata provojnë menjëherë topa depërtues ose topa të gjatë. Topat depërtues janë menduar për lojtarët që mund të mposhtin kundërshtarët me ritmin e tyre si p.sh. ndonjë Mbappe, ndërsa topat e gjatë janë menduar për sulmuesin që është i mirë në mbajtjen e topit si Oliver Giroud në Kupën e Botës 2018 dhe Benzema këtë vit.
Presingu dhe sistemi i mbrojtjes
Vendosja i Francës së Deschamps-it nuk bazohet në pressing të lartë kur janë pa top. Kur ndërton kundërshtari, lojtarët tërhiqen prapa (përveç sulmuesve). Ata vijnë në një formë kompakte 4-4-2. Zonat më anësore nuk synohen shumë dhe qëllimi kryesor është forcimi i bllokut qendror. Linja prapa bëhet kompakte me mbrojtësit e krahut që spostohen brenda (drejt qendrës) për të mbyllur hendekun në gjysmë hapësira. Kante dhe Pogba formojnë murin qëndror para mbrojtjes. Ata janë të aftë në mbrojtje dhe përqendrohen në marrjen e topit dhe pasimin e tij shpejt me pasime vertikale për të përfituar nga mbrojtja e shformuar e kundërshtarit. Mesfushorët anësorë lëvizin thellë, por mbeten kompakt. Ato mbulojnë mbrojtësit e kundërt dhe kufizojnë shpërndarjen e tyre në zonat qendrore të fushës. Pozicionimi është jetik në këtë sistem. Kundërshtari mund të ndërtojë raste përmes krosimeve, por kjo nuk i ndihmon shumë. Mbrojtësit francezë nuk kanë gjasa të humbin duelet ajrore dhe sensi i tyre i pozicionit ndoshta i ndihmon ata të mbajnë qendër sulmuesin(t) nën kontroll.
Përfundim
Deschamps përdor taktika shumë të thjeshta. Duke marrë parasysh sasinë e talentit që ka aktualisht Franca, ata gjithashtu mund të provojnë strategji të ndryshme sulmuese. Por fokusohet në futbollin efektiv më shumë se gjithçka tjetër. Rezultatet flasin për të dhe për sa kohë që sistemi funksionon, nuk ka pse të ndryshojë. Deschamps është sigurisht një mendje e ndritur e futbollit dhe së bashku me ekipin që ka është mjaft normale t’i shohësh si fituesit Europianit.
