Aktori i humorit Bes Kallaku këtë herë na ka prezantua me vilën e tij të radhës. I ftuar në “E diela shqiptare”, në rubrikën “Për drekë me mua”, ku personazhet VIP gatuajnë për njëri-tjetrin në shtëpitë e tyre, Besi kishte zgjedhur t’i ftonte miqtë e tij VIP në shtëpi, në një kompleks turistik tek Gjiri i Lalëzit. Një zgjedhje kjo mjaft e zgjuar duke iu përshtatur dhe menysë që ai kishte përzgjedhur të gatuante ku baza ishte peshku.
Të ftuari e Besit ishin Erion Isai, Arjola Shehu dhe dietologia Blerina Bombaj.
Nga pamjet e publikuara gjatë emisionit arritëm të shihnim edhe strehëzën e tyre të pushimit. Një vilë dykatëshe, e rrethuar nga një oborr ku mbizotëron gjelbërimi dhe me një verandë ku ishte vendosur tavolina e ngrënies.
Ngjyra dominuese në shtëpinë e Besit dhe Xhensilës, si brenda dhe jashtë saj, ishte e bardha. Gjatë emisionit Besi tha se ai ka bindjen se pasi vogëlushja të vijë në jetë, ata do të kalojnë më shumë kohë në shtëpinë e tyre në plazh.
