https://www.facebook.com/tiranatodaycom/videos/362908870820523/
Sekuestrohet rreth 2 ton kanabis në Ferrara nga policia italiane, e cila dyshohet se ka ardhur nga brigjet shqiptare. Operacioni i policisë është ndërmarrë ditën e martë, ndërsa lajmi është bërë publik sot nga mediat italiane. Policia pikasi dy furgonë të cilet dyshohet se do transportonin lëndën narkotike, por kur trafikantët kanë pikasur policinë janë larguar me shpejtësi duke braktisur mjetet.
Policia gjeti dhe arrestoi një 19-vjeçar shqiptar nga Vlora me iniciale R.R, njofton media italiane.
Policia italiane dyshon se lënda narkotike ka ardhur nga Shqipëria, ndërsa vlera e saj në tregun me pakicë tejkalon 20 milion euro. Policia vijon hetimet për identifikimin dhe kapjen e trafikantëve të tjerë.
