Ndonëse ‘politika’ ka ndarë Metën me Kryemadhin, pushimet kanë qenë koha ideale që ata të rimblidhnin forcat e të shijonin pushimet krahë njëri-tjetrit, duke i lënë pas aleancat dhe konfliktet.
Si rrallë ndonjëherë, Meta ka ndarë me qytetarët një foto ku ndodhet me Kryemadhin, duke lënë për pak çaste debatet e nxehta të jetës politike.
Në fotot familjare të shpërndara nga presidenti, ai shfaqet në krahë të bashkëshortes, Monika Kryemadhi, njëherësh kryetarja e LSI-së. Që kur rrugët e tyre politike u ndanë, Monika zgjodhi që ti qëndronte larg bashkëshortit, duke mos u përfshirë në punët e tij.
E ndërsa sot shikojmë anën tjetër të medaljes. Ja se çfarë ka shkruar presidenti bashkëngjitur fotove në fjalë:
“Mirëmëngjes të dashur miq! Duke ju uruar një fundjavë të mbarë, po ndaj me ju disa momente nga pushimet malore në Kosovë. U nisëm për në Prevallë, por u kthyem nga një përrallë. 12 ditë, njëra më e bukur se tjetra, në lartësi 1600 metra atje, ku kryqëzohen rrymat ajrore, detare e malore në zemër të Bjeshkëve të Sharrit”.
