Një familje shqiptare e cila jeton në SHBA, ka bërë një kërkesë të dhimbshme për ndihmë. Mesazhi i postuar nga kryefamiljari Everest Haxhi në rrjetin e tij social “Facebook”, është tejet rrëqethës.
Ai ka kërkuar ndihmë publike pasi djali i tij, 14-vjeçar i cili është autik. Djali i tij Dejan, gjatë krizës shkatërron gjithçka, madje dhe muret e shtëpisë Dejan, po bëhet gjithnjë e më shumë i dhunshëm, për shkak të sëmundjes.
Mesazhi i plotë i babait
Me dhimbje dhe me sot në sy ne kërkojmë ndihmë për djalin tonë autik Dejan. Ne po kërkojmë për një Program Residential, ku ai të jetë i sigurt dhe nën kujdesin e një ekipi profesional.
Fotografitë janë brenda shtëpisë sonë ku Dejan jeton dhe ku gjatë krizës së tij ka goditur dhe shkatërruar të gjitha muret. Ai është 14 vjeç. Është bërë shumë e vështirë për ta trajtuar atë në shtëpi. Ne kemi edhe dy vajza të vogla që po vuajnë me ne, duke e parë Dejanin në dhembje.
Të gjitha organizatat, sidomos MORC, nuk kanë ofruar ndonjë shërbim për Dejan, dhe këto shërbime të vogla që ofrojnë nuk kanë qenë të vazhdueshme.
Policia është pothuajse çdo javë në shtëpinë tonë. Së fundi, kur ne kërkuam një Program për Resurse për të, MORC na ka dërguar një letër duke thënë se na kanë ofruar shërbime, por ne i kemi refuzuar këto shërbime. Ata thonë se ne e kemi refuzuar terapinë ABA në shtëpi dhe ne kemi refuzuar transportimin e Dejanit në një Qendër për trajtim.
Gjithkush që i sheh këto fotografi menjëherë do të kuptojë se shtëpia nuk është një mjedis, ku mund të kryhet terapia. Ishte një letër shumë ofenduese nga MORC duke deklaruar se ne nuk duam shërbime për Dejan.
Ne jemi të dëshpëruar dhe kërkojmë ndihmë. Familja jonë po merret me këtë sfidë çdo ditë dhe kemi frikë për sigurinë e djalit tonë. Ju lutemi ndihmoni Dejanin! TIRANA TODAY
