Pak ditë më parë, opinioni publik u trondit nga disa foto të publikuara në media, ku në morgun e Tiranës shiheshin viktimat nga Covid-19, të vendosur në dysheme.
Lidhur me këto pamje, nënkryetari i LSI, Petrit Vasili, tha se qeveria Rama nuk ka justifikim për këtë veprim.
Vasili theksoi se Shqipëria ka një kod, me të cilin respekton dhe nderon të vdekurit.
“Ndjej dhimbje për faktin si u menaxhua pandemia. Ka pasur arrogancë për të mos dëgjuar profesionistët. Rama tha më 27 maj se unë nuk flas për Covidin. Kryeministri ka pasur potencial të jashtëzakonshme njerëzore dhe dështoi. Këta çirren duke thënë se bëjnë administrimin më të mirë.
Për trupat e vdekur që gjendet në tokë në morg, një kryeministër normal thotë se ishte një gjë shumë e rëndë. Këta paguajnë koncesione me para pa fund e nuk rregullojnë një morg. Pamjet me kufoma në tokë, nuk ka justifikim . Shqipëria ka kod që respekton të vdekurit”, tha Vasili në ‘News 24’.
