Teksa studentët vijojnë qëndresën e tyre para Kryeministrisë në këto temperatura të ulëta, kreu i qeverisë duket disi më i relaksuar.
Pak para orës 21:00, Edi Rama ka postuar një fotografi me filtra në faqen e tij në Instagram, ku pozon me syze dhe buzë të lyera, poshtë pemës së Vitit të Ri.
Jo vetëm kaq, por kreu i qeverisë mesa duket ka eksperimentuar me efektet e Instagram-it.
Fotografia me efektin “Winter Sparkle”, e postuar nga Rama ka qëndruar vetëm pak sekonda në profilin e tij.
Mesa duket, kryeministri e ka postuar foton gabimisht dhe pak minuta më pas, ai poston një tjetër foto të tij me komentin: “Kur do flasim”.
Siç duket ai ka një tjetër mesazh për studentët, që e presin jashtë godinës së Kryeministrisë dhe Ministrisë së Arsimit…
