Një “Xibrakë” e dytë në Shqipëri. Një operacion i madh po zhvillohet në Veri të vendit. Një laborator drogrash të forta është zbuluar nga policia në Has. Burime thanë se në laborator është gjetur një sasi e konsiderueshme lënde opiumi. Kjo është lëndë e parë për prodhimin e heroinës.
Dyshohet se laboratori i përket një linje të trafikut të drogave të forta. Ky rrjet dyshohet se vepron prej vitesh nga Shqipëria në drejtim të vendeve të BE. Hetimet për zbulimin e fabrikës së heroinës në Has kanë nisur muaj më parë.
Disa persona janë ndaluar nga policia si të dyshuar të grupit të trafikut të drogë. Burime policore thanë se 5 persona janë arrestuar deri më tani, ndërsa 10 të tjerë janë shoqëruar. Të arrestuarit : V.B., F.C., XH.SH., M.SH., A.SH.
Në fotot e publikuara nga “Panorama”, në mesin e drogës shikohten: (qese me kripë, kuti djathi, larës enësh, qese mbështjellëse etj).
Njoftimi i policisë
“Drejtoria Vendore e Policise Kukes ne bashkepunim me agjencite e tjera ligjzbatuese dhe nen drejtimin e Prokurorise se Rrethit Gjyqesor Kukes kane zhvilluar nje operacion antidroge ku eshte zbuluar nje objekt qe dyshohet se perdorej per perpunim te drogave te forta. Per detaje te operacionit Policia e Shtetit, Prokuroria dhe agjencite ligj zbatuese ne ditet ne vijim do te kene nje konference te perbashket per mediat per operacionin qe zhvillohet ne qarkun e Kukesit”, thuhet në një njoftim të shkurtër të Policisë lidhur me ngjarjen.
