Presidenti i vendit, Ilir Meta ka qenë sot në Bashkinë Pustec ku së bashku me autoritetet vendore kanë çelur sezonin turistik.
Meta ka ftuar të gjithë “turistët vendas dhe të huaj të shijojnë bukuritë natyrore e të pakonkurrueshme të kësaj zone, veçanërisht të liqenit të Prespës”.
Në një postim në Facebook, Meta ka treguar se ka zgjedhur që disa ditë nga pushimet e tij t’i kalojë pikërisht këtu.
Postimi i Metës:
Së bashku me autoritetet vendore çelëm sot sezonin turistik në Bashkinë Pustec. Ftoj turistët vendas dhe të huaj të shijojnë bukuritë natyrore e të pakonkurrueshme të kësaj zone, veçanërisht të liqenit të Prespës, mikpritjen e jashtëzakonshme dhe gatimet tradicionale. E mahnitshme Kisha e Shën Marisë në ishullin e Maligradit. I uroj sezon të mbarë turistik Bashkisë së Pustecit, ku kam vendosur të kaloj disa ditë gjatë pushimeve verore. 
