Vetëm dy ditë më parë takimi i ambasadorit amerikan Donald Lu dhe ish-ministrit të drejtësisë Ylli Manjani, mori vëmendje të gjerë mediatike.
Por në fakt duket se ky takim ka shkuar mjaft mirë mes tyre, dhe Manjani ka bërë një hap pas lidhur me qëndrimet e tij kurndër komunitetit LGBT. Ai sot është parë në krah të ambasadorit Lu dhe i është bashkuar paradës për mosdiskriminimin e komunitetit LGBT.
‘’Nuk kam hequr dorë nga qëndrimet e mija, po jam kundër diskriminimit. Iu përgjigja thirrjes së Lu-së për të qenë këtu, ambasadorin nuk e kam as mik dhe as armik”, është shprehur Manjani. Ai ka shëtitur me biçikletë së bashku me Donald Lu-në.
Pak kohë më parë Manjani dhe Lu u përplasën ashpër në distancë mes tyre, po duket se tashmë gjithçka është hedhur pas krahëve, dhe për Manjanin komunitetit LRGBT duhet respektuar si çdo qytetar i Shqipërisë.
