Mesfushori belg i Manchester United, Maurone Fellaini ka ngacmuar një bionde në rrjetin social Instagram, por mesazhi i tij është shpërndarë menjëherë dhe ka plasur ironia në rrjetë. Ai i ka shkruar bukuroshes së njohur si Tina Stinnes, 23 vjeçe, ish-banore e spektaklit “Ishulli i dashurisë”.
Në foton që po qarkullon në rrjet është profili zyrtar i Fellainit që i shkruan: “Hey, si je?”. Belgu ka qenë i pafat pasi mesazhi nuk është parë nga vetë Tina, por nga i dashuri i saj, i cili e ka shpërndarë një “screenshot” në rrjete sociale ku i bën thirrje futbollistit të heqë dorë nga e dashura e tij.
Epo këtë herë Fellaini ka dalë huq, herë tjetër duhet të mendojë mirë para se të shkruajë!
