Këtë të premte oborri mbretëror britanik erdhi sërish në qendër të vëmendjes. Princeshë Eugenie është martuar me të fejuarin e saj Jack Brooksbank. Dhëndri i emocionuar është dëgjuar t’i këtë thënë nuses: ‘Ju dukeni e përsosur’.
Princeshë Eugenie është mbesa e Mbretëreshës Elisabeth II. Ajo u martua me Jack Brooksbank, një tregtar vere.
Ceremonia martesore është mbajtur në Kishën e Shën Gjergjit në Windsor. Në dasmë ka pasur 850 të ftuar përfshirë, aristokratë, VIP-a dhe miq.
Nusja u shoqërua në altar nga babai i saj, Princi Andrew, nën sytë e gjyshes, Mbretëreshës Elisabeth II. Princesha dukej e mrekullueshme e veshur me fustanin e bardhë të stiluar nga stilisti i famshëm Peter Pilotto. Fustani me bisht madhështor i nxirrte në pah pjesën e kurrizit.
Nëna e saj Sarah Ferguson, Dukesha e York, qëndronte e ulur pranë vajzës së madhe Beatrice. Ata panë se si 28 vjeçarja u martua me Jackin, 30 vjeç.
Princ Harry dhe Meghan Markle u futën nga një derë anësore në ceremoni. Bashkë me ta ishin edhe William me gruan e tij Kate dhe fëmijët e tyre George dhe Charlotte.
