Piera Aiello, deputete e parlamentit italian e zgjedhur në radhët e Lëvizjes 5 Yjet, ka treguar fytyrën për herë të parë para publikut.
Për 27 vjet ajo ka jetuar nën mbrojtjen e policisë pasi është një dëshmitare e drejtësisë.
https://tiranatoday.com/kush-eshte-nusja-e-familjes-mafioze-kandidatja-e-pa-fytyre-qe-u-zgjodh-deputete/
Aiello ka qenë pjesëtare e familjes mafioze Atria në Catania, ku bosi i saj është as më shumë e as më pak por vetë kreu i Cosa Nostra-s, Matteo Messina Denaro.
“Është si të kthehesh në jetë,” tha ajo, duke buzëqeshur në lentën e kamerës. “Në këtë moment madh, ndihem plotësisht i lirë.”
Aiello ka lindur në Partanna, në Sicilinë perëndimore. Në moshën 14-vjeçare, ajo u detyrua të martohej me djalin e mafies siciliane Vito Atria.
Në 1991 një klan maqedonas rivali vendosi të vriste burrin e saj. “Ne kishim një piceri,” thotë Aiello. “Një mbrëmje, dy njerëz hynë në dhomë. Ata e shikuan burrin tim dhe qëlluan. Ai ra para meje, i mbuluar me gjak “.
Pas vendosjes për të dëshmuar kundër sulmuesve, ajo u bë një informatore mafioze, me dëshminë e saj që çoi në arrestimin e disa mafiozëve.
“Kam pasur një qëllim: t’i sjell në parlament kushtet dramatike në të cilat ata që vendosin të dëshmojnë kundër mafies detyrohen të jetojnë”, tha ajo.
Por ajo ende vazhdon të jetë e mbrojtur sepse ende ajo është subjekt i mafies.
Ajello është kunata e Rita Atria-s, e cila në vitin 1992 u bë e famshme se shpalli distancimin nga mafia pikërisht pas vrasjes së Paolo Borsellinos.
Pas këtij akti, Rita u vetëvra tragjikisht(të paktën zyrtarisht) ndërsa Piera vendosi të bashkëpunojë me drejtësinë për të denoncuar krimet efamiljes së saj mafioze.
Në zgjedhjet e 4 marsit ajo garoi si kandidate për deputete direkte pikërisht në zonën zgjedhore më të “nxehtë” të Catania-s që është feud i Messina Denaros.
Gjatë fushatës, Aiello nuk doli kurrë në publik për motive sigurie, kurse zyrtarët e partisë shpallën si kandidate për deputete duke folur në distancë për të. Piera fitoi zgjedhjet dhe vetëm dje doli në një manifestim publik.
Pikërisht në përkujtimoren e vrasjes së kapitenit të policisë, Mario D’Aleo, në Valderice të Trapanit, zonë shumë e njohur e ku në vite janë rritur killerat e Cosa Nostra-s.
Burimi: Theguardian
Përshtati: Tirana Today
