Foto/Karikatura e ditës, gjithë bota janë sulur pas tij

Ndërhyrja e Sergio Ramos ndaj Mohamed Salah vazhdon të jetë në qendër të vëmendjes edhe pse kanë kaluar disa ditë nga finalja e Champions League. Egjiptiani u detyrua të lëri fushën e lojës pas gjysmë ore lojë, pasi mbrojtësi i Real Madridit i ndërhyri sulmuesit të Liverpoolit, Mohamed Salah, të cilin e rrëzoi përtokë dhe u rrokullis mbi të duke i dëmtuar krahun.Salah u detyrua të lërë ndeshjen, pasi dëmtoi ligamentin e krahut dhe për një moment u mendua se e kishte humbur edhe Botërorin “Rusi 2018”, që nis pas rreth dy javëve. Reali e fitoi takimin në vazhdim dhe u shpall kampion për herë të 13-të.Ndërkohë, Ramos vazhdon të kritikohet edhe sot, tri ditë pas finales për veprimin e tij dhe Goal.com e ka vendosur si protagonist kryesor në karikaturën e ditës. “Kapeni! Sergio Ramos ndodhet në qendër të kritikave të mëdha pas ndërhyrjes ndaj Mohamed Salah në finale të Ligës së Kampionëve”, e përshkruan “Goal.com” karikaturën e ditës së sotme.