“Futbolli i sotëm ka ndryshuar me shpejtësi të madhe. Ne thjeshtë duhet t’i përshtatemi. Lojtarët sapo shkojnë në dhomat e zhveshjes, nuk qëndrojnë dot pa rrjetet sociale. Por përsa kohë më japin në fushën e lojës atë që duhet, mund të kenë edhe veshje me ngjyrë rozë apo kapëse të flokët”, do të shprehej Steven Gerrard për futbollistët e Rangersit përpara pak ditësh.
Një situatë e ngjashme vjen nga përfaqësuesja e Kosovës. Nëse më parë pas një fitore kishte festë mes njëri-tjetrit ndërmjet lojtarëve, tashmë preferohet të postohet në rrjetet sociale sesa i gëzuar është një futbollist, për suksesin e arritur.
Një panoramë e tillë na vjen edhe nga Kosova pas fitores ndaj Maltës, teksa siç duket lehtësisht edhe në këtë foto, lojtarët janë të gjitha duke dërguar mesazhe dhe përdorur rrjetet sociale. Nuk e shohin për asnjë moment njëri-tjetrin, pasi janë të varur tërësisht nga teknologjia.
