Lidhja e dashurisë mes futbollistit të kombëtares shqiptare, Berat Gjimshiti dhe seks-bombës serbe Alisa Menkovic ka bërë bujë kohë më parë në media serbe dhe shqiptare. Pas një viti e gjysmë ndarjeje, ata të dy e kanë ripërtërirë lidhjen mes tyre, e cila kishte përfunduar më herët për shkak të mosmarrëveshjeve. Kështu shkruajnë sot mediat serbe, më konkretisht “Kurir”.
Berati dhe Alisa i kaluan pushimet e vitit të ri në Dubai, ku përjetuan shoqërinë e njëri-tjetrit dhe momente të lumtura në një prej hoteleve më të shtrenjta në Emirate.
Kujtojmë se mbrojtësi ynë kuqezi, pjesë e Atalantas në Seria A, dhe modelja serbe janë njohur në Zvicër. “Rrjetet sociale ndonjëherë iu japin ndonjë kuptim tjetër disa gjërave. Unë dhe Berati kemi mbetur miq të mëdhenj dhe kështu do të jemi”, – deklaroi Alisa Menkovic për “Kurir”.
E njëjta media shkruan se, “pasi i dha fund lidhjes me një tjetër mashkull, Alisa kërceu menjëherë në përqafimin e dashurisë së vjetër! Modelja tërheqëse lundroi në një romancë me një djalë tjetër, i cili shpejt përfundoi pas hekurave.
Të dy kishin planifikuar për t’u martuar, por rënia në burg e djaloshit i ndryshoi planet. Alisa nuk i rezistoi tundimit të dashurisë së vjetër dhe u kthye së fundi tek futbollisti.
Le të kujtojmë se Alisa dhe Berati u takuan në Zvicër. Marrëdhëniet e dobëta mes dy bashkësive etnike nuk i prekën ato në mënyrë të konsiderueshme. Ata arritën ta ruanin dashurinë e tyre deri dy vite më parë, kur ranë në sytë e publikut për ndeshjet midis Shqipërisë dhe Serbisë, në kualifikimet për Kampionatin Europian të Francës. Mediat shqiptare e quajtën lidhjen e tyre si “dashuri të ndaluar”. Familja e Menkovic nuk e miratoi romancën e Alisa me shqiptarin”.
