“Zënkë në metro” është titulli i një nga fotografive më të veçanta pjesëmarrëse në kompeticionin e përvitshëm “Wildlife Photographer of the Year”. Subjekti i fotografuar janë dy minj që “zihen” për disa thërrime ushqim, në një stacion metroje në Londër.
“Po prisja metro-në dhe vura re për disa sekonda këtë skenë, të cilën e fotografova menjëherë pa e menduar që do krijonte një jehonë të tillë.”- u shpreh fotografi Sam Rowley.
Pas bujës në rrjet, kjo foto impresionuese dhe e veçantë u bë pjesë e këtij kompeticioni ndërkombëtar fotografie, ku si qëllim ka promovimin dhe pasqyrimin e jetës në natyrë. I krijuar në vitin 1965 nga Muzeu Historik Natyror në Londër, ky konkurs mbledh rreth tij çdo vit, mijëra fotografë nga e mbarë bota.
