Dhjetëra mijëra persona janë mbledhur sot në Paris në ceremoninë e homazheve të gjigantit të muzikës franceze dhe botërore rock and roll. Johnny Hallyday, i njuhur si Elvis Presley i kontinentit evropian nuk do jetë më në mesin tonë. Me talentin e tij të rrallë, vokalin e tij të fuqishëm ai bëri që rock and roll të flasë shumë bukur frëngjisht dhe u ngjit më lart se çdo këngëtar tjetër në këtë zhanër në Francë dhe mbarë kontinentin evropian.
Hallyday ishte një nga këngëtarët më të suksesshëm në historinë e muzikës botërore dhe mbi 100 milionë kopjet e shitura të albumeve të tij mbetën një monument i pavdekshëm i këngës, muzikës dhe kulturës perëndimore.
Dashamirësit e tij mbushën rrugët e Parisit qendror për t’i thënë lamtumirë ikonës së muzikës franceze, ku të gjithë të veshur me të zeza thërrisnin emrin e këngëtarit. Hallyday, i quajtur “Elvisi francez”, vdiq nga kanceri i mushkërive të moshës 74 vjeçare dhe do të varroset të hënën. Presidenti Emmanuel Macron, një simpatizant i këngëtarit, urdhëroi ceremoninë e homazheve në Kishën Madeleine të Parisit.
Duke folur jashtë kishës, Macron tha: “Johnny Hallyday ishte një pjesë e jona, një pjesë e Francës. Ne jemi këtu sot për të. Kjo e shtunë dhjetori është trishtuese. Por ne të gjithë duhet të jemi këtu për Johnny sepse që nga fillimi, Johnny ishte këtu për ne. Shumë nga ju do të ndiheni sikur keni humbur një anëtar të familjes suaj, sepse Johnny ishte aty ku ishin fansat e tij. Ai ishte shumë më tepër se vetëm një këngëtar, jeta e tij ishte pjesë e Francës. Ne jemi këtu për të thënë faleminderit, le të duartrokasim Z. Johnny Hallyday.”
Ndërkohë familja e këngëtarit – e veja Laeticia, 42 vjeç, ka adoptuar vajzat Jade, 13 vjeç dhe Joy, 9 vjeç. Të përlotur u shfaqën dhe Laura Smet, 34 vjeç dhe biri David, 51-vjec. Disa adhurues thërrisnin dhe të tjerët tundnin pankarta mbi trupin e Hallyday, në një arkivol të bardhë. Pas ceremonisë së homazheve trupi i tij i pajetë do të dërgohet në ishullin francez Karaibe të St Bart, ku ai do të varroset në një ceremoni private të hënën pasdite. 
Këngëtari ra në dashuri me ishullin dhe madje kishte ndërtuar një vilë atje, duke e quajtur Jade emri i vajzës së tij. Të tjetë të pranishëm ishin ish-presidentët Francois Hollande dhe Nicolas Sarkozy. Presidentja i Frontit të ekstremit të djathtë, Marine Marine Le Pen, mungonte.
